«Сәйдәш» мәдәният үзәгендә «Подросток» учреждениесенең 35 еллыгын билгеләп үттеләр

Чарада 500 дән артык хезмәткәр һәм тәрбияләнүче катнашты

Фото: Социаль сәясәт идарәсе

(Казан шәһәре KZN.RU, 4 нче декабрь). Җомга көнне, 1 нче декабрьдә, «Сәйдәш» мәдәният үзәгендә «Без күп, без янәшә» дигән бәйрәм чарасы узды, чара «Подросток» МБУ оешуга 35 ел булуга багышланды.

Чараны оештыручылар булып Казан Башкарма комитетының Балалар һәм яшьләр эшләре комитеты һәм «Подросток» яшәү урыны буенча яшьләр (яшүсмерләр) клублары берләшмәсе чыгыш ясады.

Чарада учреждениенең иң яхшы иҗади коллективлары чыгыш ясады, шулай ук берләшмә эшчәнлеген тәкъдим итүче күргәзмә оештырылды. «JUST BRASS» тынлы төркеме һәм «Болгар кызлары» вокаль триосы чараның махсус кунаклары булды. Чарада 500 дән артык хезмәткәр һәм тәрбияләнүчеләр катнашты.

Бу көнне оештыручылар Татарстан Республикасының иң эре яшьләр (яшүсмерләр) клублары челтәре учреждениесенең төп асылын һәм кыйммәтләрен тапшырырга, Казанның балалар, яшүсмерләр һәм яшьләренең ялын оештыруның оешкан төрле эшчәнлеген һәм формаларын күрсәтергә тырыштылар.

Бүгенге көндә берләшмә составында Казан шәһәренең җиде районында урнашкан 66 объект исәпләнә. Аларда 500 дән артык хезмәткәр эшли, 560 тан артык берләшмә, түгәрәк һәм секция бар, аларда 3 яшьтән 35 яшькә кадәрге категориядә 18 меңнән артык тәрбияләнүче шөгыльләнә.

Яшьләр (яшүсмерләр) клублары челтәре атнага җиде көн эшли, түбәндәге юнәлешләр буенча өзлексез эш оештыра: техник иҗат, спорт юнәлеше, гамәли иҗат, социаль-мәдәни юнәлеш, сәламәтлек мөмкинлекләре чикләнгән балалар белән эшләү.

Чара кысаларында «Подросток» МБУ хезмәткәрләре Рәхмәт хатлары, Мактау грамоталары һәм төрле муниципаль һәм республика ведомстволарыннан хөрмәтләү билгеләре белән бүләкләнделәр.

Чарада Дәүләт Думасының милләтләр эшләре комитеты рәисенең беренче урынбасары Илдар Гыйльметдинов, ТР Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова, Татарстан Иҗтимагый палатасы рәисе урынбасары Тимур Кадыйров, Казан Башкарма комитеты җитәкчесе урынбасары Гүзәл Сәгыйтова һ.б. катнашты.

Учреждениегә нигез салынуга 35 ел тулу уңаеннан РФ Дәүләт Думасының рәхмәт хаты белән яшүсмерләр һәм яшьләрне үстерүгә һәм тәрбияләүгә, яшәү урыны буенча нәтиҗәле эшчәнлек алып баруга керткән зур өлеше өчен «Подросток» учреждениесе коллективы бүләкләнде.

Фоторепортаж

«Подросток» учреждениесенең 35 еллыгы

Шулай ук укыгыз

Барлык яңалыклар