«Мәскәү» мәдәни үзәгендә хәйрия акциясе – приютта яшәүче песиләр күргәзмәсе узачак

<div class="detail-picture"> <img src="https://kzn.ru/upload/iblock/c5a/IMG_0255.JPG"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 25 нче февраль). 27 нче февраль көнне «Мәскәү» мәдәни үзәгендә «Дорога домой» хәйрия акциясе – песиләр күргәзмәсе узачак. Казанлылар ошаган хайванны өйләренә алып китә, шулай ук приют карамагындагыларга азык китерә алачак. </p> <p> Күргәзмәдә «Зоозабота» приютыннан мәчеләр тәкъдим ителәчәк. Барлык хайваннар да лотокка өйрәтелгән. Ошаган мәче баласын үзеңә алырга мөмкин булачак. </p> <p> Күргәзмәдә шулай ук приютта тәрбияләнүчеләр өчен хәйрия ярминкәсе һәм азык җыю, мастер-класслар, ветеринар һәм зоопсихолог консультацияләре узачак, дип хәбәр итә Казанның Киров һәм Мәскәү районнары администрациясе. Фотозонада истәлеккә фото ясарга мөмкин булачак. </p> <p> Чара 11:00 сәгатьтә башлана. </p> <h1> </h1>

2022-02-25T10:46:15+0300