«Мәскәү» мәдәният үзәгендә Казан рәссамы Алинә Глобованың «Чистота цвета» күргәзмәсе ачыла

«Мәскәү» мәдәният үзәгендә Казан рәссамы Алинә Глобованың «Чистота цвета» күргәзмәсе ачыла

<p> </p> <div class="detail-picture"> <img src="https://kzn.ru/upload/iblock/6d6/DSC_7501.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 1 нче март). 3 нче март көнне «Мәскәү» мәдәният үзәгендә Казан рәссамы Алинә Глобованың «Чистота цвета» дип аталган беренче шәхси күргәзмәсе ачылачак. <p> </p> <p> Экспозициядә абстракт рәсем сәнгатенә караган 15 кә якын картина булачак: «Шумоподавление» сериясе һәм башка эшләр. </p> <p> Рәссам үз иҗатында чиста төсләр кулланырга омтыла, аларны көтелмәгән сихри формаларга кертә. Алинә Глобова абстракт картиналарны майлы буяулар һәм мастихин ярдәмендә ясый. Техниканы сайлавы очраклы гына түгел – мастихин төс чисталыгын сакларга мөмкинлек бирә, ә майлы буяулар аның яктылыгын яхшырак тапшыра, дип хәбәр итә «Мәскәү» мәдәният үзәге матбугат хезмәте. </p> <p> Күргәзмә 19:00 сәгатьтә ачылачак. </p> <p> Алинә Глобова 1993 елда Түбән Камада туган. Абстракция белән 2019 елдан бирле шөгыльләнә. Хәзерге вакытта Казанда яши һәм эшли. Казанда һәм Мәскәүдә узган заманча сәнгать күргәзмәләрендә һәм ярминкәләрендә даими катнаша. </p>

2022-03-01T14:23:44+0300