«Мәскәү» мәдәни үзәгендә «Мәдәният буларак джинслар. 10 ел» күргәзмәсе ачылачак

Экспозициядә 70-80-нче еллар чорының культ экспонатлары тәкъдим ителгән.

Фото: Казан социалистик көнкүреш музее

(Казан шәһәре KZN.RU, 2-нче июнь). 3-нче июньдә «Мәскәү» Казан мәдәни үзәгендә «Мәдәният буларак джинслар. 10 ел» күргәзмәсе ачылачак. Ул социалистик көнкүреш музееның 10 еллыгына багышланган. Аның тарихы 2011 елда нәкъ менә шушы күргәзмәдән башланган.

Беренче күргәзмә үткәрелгәннән бирле, музей коллекциясе 500-дән артык джинс белән тулыланган. Киемнәрне режиссер Никита Михалков, рәссам Михаил Шемякин, сәясәтче Николя Саркози, актер Александр Сбруев, цирк артистлары бертуган Запашныйлар, сәясәтче Марат Хөснуллин, музыкант Сергей Шнуров һәм башкалар бүләк иткән.

Моннан тыш, күргәзмәдә 70-80-нче еллар чорының культ экспонатларын күрергә мөмкин булачак: аларга бобиналарда язылган катушка магнитофоннары, ул чор музыкасы белән винил дисклар, бейсболкалар, илебез кроссовкаларының беренче үрнәкләре, дип хәбәр итә музей директоры Рөстәм Вәлиәхмәтов.

Килүчеләргә джинслар тарихы турында лекция тыңларга, джинс-кайнатма әзерләүдә катнашырга тәкъдим ителәчәк, шулай ук күргәзмәдә бу гардероб предметын сатып алган вакытта сайлау белән ничек ялгышмаска икәне һәм чын джинс винтажы турында сөйләячәкләр.

Күргәзмә беренче Казан джинс культурасы фестивале кысаларында уза, аның программасында кызыклы чаралар күп.

Күргәзмә 17:30 сәгатьтә ачылачак. Ул 27-нче июньгә кадәр дәвам итәчәк.