Казанда Порт ур., 17 адресы буенча урнашкан пар казанында торгызу эшләре дәвам итә

Дүрт пар казанының икесе һәм пар казаны бинасының газүткәргече төзекләндерелгән, бинаны вакытлыча ышыклау конструкциясе төзелә.

(Казан шәһәре KZN.RU, 18-нче март). Казанда Порт ур., 17 адресы буенча урнашкан пар казанында кичә булган авариядән соң торгызу эшләре дәвам итә. Алдан микрорайонда урнашкан йортларны җылылык белән тәэмин итү өчен вакытлыча чаралар күрелде.

ТКХ комитетында хәбәр иткәнчә, пар казанының газүткәргече һәм дүрт пар казанының икесе төзекләндерелгән. Автоматиканың яхшы эшләве өчен уңай температура кирәк булганга, бинаны вакытлыча ышыклау конструкциясе төзелә. Бананы ышыклагач, чатыр астында температура җылылык туплары белән күтәреләчәк һәм ике пар казаны эшләтеләчәк.

Искәртергә кирәк, 3.25 сәгатьтә пар казаннары конструкцияләре ишелү сәбәпле, Девятаев, Зайцев, Мехчылар һәм Порт урамнарында 1589 кеше яши торган 695 фатирлы 12 биш катлы йорт җылылыксыз калгды. Бинаның 60 кв.м мәйданында урта өлеше һәм түбәсе ишелде. Зыян күрүчеләр һәм үлүчеләр юк, һәлакәт вакытында бинада бер кеше – пар казаны операторы булган, ул әлеге һәлакәт турында хәбәр иткән. Алдан алынган мәгълүматлар буенча, Порт ур., 17 адресы буенча урнашкан пар казаны бинасында авария тотрыксыз туфрак аркасында килеп чыккан. Йортларга җылылык вакытлача схема буенча 17 мартта 22.30 сәгатьтә бирелде.

Шулай ук укыгыз

Барлык яңалыклар