Март азагында Казаннан Тбилисига даими рейслар старт ала

Очышлар атнага ике тапкыр дүшәмбе һәм җомга көннәрендә 97 урынлы Embraer 190 авиалайнерларында башкарылачак.

(Казан шәһәре KZN.RU, 2-нче март). 26 мартта Казаннан Тбилисига даими рейслар программасы старт ала. Очышлар Georgian Airways авиакомпаниясе тарафыннан дүшәмбе һәм җомга көннәрендә 97 урынлы Embraer 190 авиалайнерларында башкарылачак.

Авиалайнер Тбилисидан 1.30 сәгатьтә чыгачак һәм Казанга 3.10 сәгатьтә җитәчәк. 4.10 сәгатьтә Казаннан Тбилисига очу планлаштырылган, аэропортка очкыч 7.40 сәгатьтә җитә. Билгеләп үтәргә кирәк, һәр аэропорт өчен җирле вакыт күрсәтелгән (Грузиядә вакыт Мәскәү вакытыннан 1 сәгать алда бара). Очышлар графигында үзгәрешләр булырга мөмкин.

Очышлар озынлыгы 2,5 сәгать тәшкил итә. Әлеге график буенча очышларны җәйге навигация сезоны беткәнче, ягъни октябрь азагына кадәр башкару планлаштырыла.

Билетлар сатуга чыкты, дип хәбәр итә Казан халыкара аэропорты матбугат хезмәте.

Шулай ук укыгыз

Барлык яңалыклар