Казанның Киров районында хәрәкәт өчен ике юл участогы ябылачак

Хуҗалык-көнкүреш канализациясе һәм җылылык белән тәэмин итү челтәрләрендә эшләр планлаштырылган

Фото: Денис Гордийко

(Казан шәһәре KZN.RU, 5 нче август). Казанның Киров районындагы ике юл участогында хәрәкәт вакытлыча чикләнәчәк. Бу хуҗалык-көнкүреш канализациясе челтәрләрен урнаштыру һәм җылылык белән тәэмин итү челтәрләрен чыгару белән бәйле.

Казан Башкарма комитетының Тышкы төзекләндерү комитетында хәбәр итүләренчә, 9 нчы августтан 20 нче сентябрьгә кадәр түбәндәге участокларда йөрү өлеше тулысынча ябылачак:

Светлая урамыннан Маршрут урамы буенча урнашкан 13а/2 бинасына кадәрге юл;

Маршрут урамындагы 17 нче йорт (1 нче корпус) буйлап йөрү.