Быел Киров һәм Мәскәү районнарында 66 йорт ремонтланачак

Биш ел эчендә «Безнең ишегалды» программасы буенча 384 йорт яны территориясе төзекләндереләчәк

Фото: Денис Гордийко

Быел Казанның Киров һәм Мәскәү районнарында 66 йортны төзекләндерү планлаштырыла. Архитекторлар, район администрациясе һәм Тышкы төзекләндерү комитеты вәкилләренең халык белән традицион очрашулары башланды, аларда алар үз теләкләрен белдерәләр. Бу хакта шәһәр мэры Илсур Метшин алдындагы йомгаклау хисабында Киров һәм Мәскәү районнары администрациясе башлыгы Сергей Миронов сөйләде.

Программа гамәлдә булган биш ел эчендә, 2020 елдан 2024 елга кадәр, ике районда 384 йорт яны территориясе ремонтланачак. Узган ел иң күп объектлар төзекләндерелгән – 97 йорт. Аларның кайберләре профессиональ конкурсларда югары бәяләнә. Мәсәлән, Серов урамындагы 3 нче һәм Усманов урамындагы 33 нче, 35 нче йортларның ишегалды территориясен төзекләндергән өчен (аларда 600 гә якын кеше яши) «Иң яхшы йорт. Иң яхшы ишегалды» бөтенроссия конкурсында II урын бирелгән. Яңарту начар күрүче шәһәрлеләрнең ихтыяҗларын исәпкә алып үткәрелгән, нәтиҗәдә төзекләндерелгән ишегалды һәм күрше оешмаларның территорияләре бердәм инклюзив киңлеккә әверелгән.

Фрунзе урамындагы 19 нчы йортның төзекләндерелгән ишегалды «Казаныш» архитектура конкурсында приз белән билгеләп үтелде.

Сезнең ишегалдыгыз кайчан ремонтланачагын dvor.tatar сайтында белергә мөмкин.

Моннан тыш, киләсе елда ике районның 45 күп фатирлы йортында капиталь ремонт планлаштырылган. Инженерлык системаларын үзгәртү, түбәләрне һәм керү төркемнәрен яңарту башкарылачак. Биш ел эчендә – 2020 елдан 2024 елга кадәр – Киров һәм Мәскәү районнарында 269 йорт ремонтланачак.

Шулай ук укыгыз

Барлык яңалыклар