Казанның Киров һәм Мәскәү районнарында быел 71 ишегалдын ремонтлау эшләре бара

Барлык эшләр дә җирле халыкның фикерен исәпкә алып башкарыла.

(Казан шәһәре KZN.RU, 7-нче сентябрь, Алена Мирошниченко). Казанның Киров һәм Мәскәү районнарында бу елның иң мөһим проекты «Безнең ишегалды» программасы кысаларында 71 йорт яны территориясен ремонтлау булды. Районнар администрациясе башлыгының беренче урынбасары Илсур Хисмәтуллин сүзләренә караганда, халык ишегалларын реновацияләү проектлары буенча актив фикер алышкан, эшләр барышын җаваплы һәм җентекле күзәткән.

Ш.Усманов урамындагы ишегалды шәһәрнең эшләр тәмамланган һәм барлык мәйданчыклар җиһазландырылган беренче территориясе булды. Революция урамы, 29 йорт ишегалды территориясендә, анда мәйданны 63 законсыз урнаштырылган гаражны җимерү хисабына сизелерлек арттыруга ирешелде, ремотка кадәрге һәм ремонттан соң булган аерма аеруча нык сизелә. Хәзер бу - балалар һәм яшүсмерләрнең актив ялы өчен киңлеге, чүп-чарны аерым төрләргә бүлеп җыю мәйданчыгы, машина кую урыннары, яктырткычлар булган иң зур һәм иң уңайлы ишегалды», - дип сөйләде И.Хисмәтуллин.

Ул шулай ук билгеләгәнчә, Аккош күлләре янындагы урман-парк зонасының төзекләндерелгән территориясе иң күп кеше йөри торган урыннарның берсенә әверелгән. Халык пляжны, ял итү зонасын, матур сулыкларны һәм күңел ачу хезмәтләре җыелмасын уңай бәяләгән.