В.Ленин исемендәге мәдәни-ял итү комплексында блокададагы Ленинград балалары турында фильм күрсәтәчәкләр

Картинаны тамашачыларга аны төшерүчеләр һәм иҗат төркеме әгъзалары тәкъдим итәчәк.

(Казан шәһәре KZN.RU, 10-нчы апрель). Блокададагы Ленинградта яшәүче балалар турындагы «Мин әле үләргә теләмим» фильмының махсус чыгарылышын 13-нче апрельдә Казанның В.Ленин исемендәге мәдәният сараенда күрсәтәчәкләр. Картинаны тамашачыларга аны төшерүчеләр һәм иҗат төркеме әгъзалары тәкъдим итәчәк.

Фильмны оештыручылар – Марина Мусиенко һәм Наталья Панкратова, шулай ук сценарий авторы Ольга Горячева сугыш чоры балалары турында сөйләгән. Аларга әйләнә-тирәдәге үзгәрешләр аңлашылмый: ни өчен тәрәзәдә снарядлар өзелә, ни өчен шулай куркыныч сирена улый, ни өчен янәшәдә әти юк һәм ни өчен гел ашыйсы килеп тора. Картиналар Казанда, Яшел Үзәндә һәм Санкт-Петербургта төшерелгән.

Фильмда Казан яшь тамашачылар театры актерлары – Татарстан Республикасының халык артисты Нина Калаганова, Татарстан Республикасының атказанган артисты Павел Густов, Анна Иванова, преподобный Серафим Саровский мәхәлләсенең Казан якшәмбе мәктәбе «Сказ» театр студиясе актерлары катнашкан.

Проектны оештыручылар: Президент грантлары фонды һәм ТР Мәдәният министрлыгы ярдәме белән «Православие яшьләре» иҗтимагый оешмасының Татарстан төбәк бүлеге һәм «Милли корпорация» продюсерлык үзәге.

Сеанс 15.00 сәгатьтә башлана. Тамашага керү бушлай, дип хәбәр итә «Кино вакыты» дирекциясе.

Шулай ук укыгыз

Барлык яңалыклар