Ленин исемендәге мәдәни-күңел ачу комплексында «Уңайлылык зонасыннан чыгу: кинода һәм тормышта аутизм» дигән киночара узачак

Инклюзив белем бирү атналыгы кысаларында шәһәрлеләр өчен күргәзмә, киносеанс һәм аутизм темасына дискуссия оештырылачак.

Фото: Денис Гордийко

(Казан шәһәре KZN.RU, 12-нче октябрь). Казанда инклюзив белем атналыгы башланды, аның кысаларында 15-нче октябрьдә Ленин исемендәге мәдәни-күңел ачу комплексында «Уңайлылык зонасыннан чыгу: кинода һәм тормышта аутизм» чарасы узачак.

Мәдәният сарае холлында аутистик спектрда тайпылышлары булган (РАС) укучылар эшләреннән күргәзмә тәкъдим ителәчәк. Ә тамаша залында кунакларга Россия режиссеры Дарья Лебедеваның «һәркайсы 88» кыска метражлы фильмын тәкъдим итәчәкләр. Фильм 2016 елда беренче тапкыр Казанда күрсәтелде. Алга таба программада – Малайзия режиссеры Тунка Мона Ризның «Смирение» тулы метражлы фильмы. Картина, алдагысы кебек үк, прокатка 2016 елда чыкты. Ул аутист малай туган заманча гаилә тормышы турында сөйли. Тасма реаль вакыйгалар нигезләнгән. Күрсәтү тәмамланганнан соң дискуссия булачак.

Килүчеләргә сылтама буенча алдан теркәлергә кирәк. Чарага кушылырга теләүчеләрнең барысына да санитар-эпидемиологик таләпләрне үтәргә һәм битлектән яки ресиратордан булу зарур. Залда тамашачыларны шахмат тәртибендә утыртачаклар, дип хәбәр итә оештыручылар.

Шулай ук укыгыз

Барлык яңалыклар