В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
24.06.2022, 14:02
Казан зооботаника бакчасында 4 сары мангуст яши башлады
Алар инде айлык карантинны узган һәм хәзер аларны ачык урам вольерында күреп була.
Фото: Казан зооботаника бакчасы
(Казан шәһәре KZN.RU, 24 нче июнь). Дүрт сары мангуст Казан зооботаника бакчасының яңа әгъзалары булды. Май аенда хайваннарны Новосибирск зоопаркыннан алып кайтканнар, алар инде айлык карантинны узган һәм хәзер җәнлекләрне зооботаника бакчасының тарихи өлешендә ачык урам вольерында күрергә мөмкин.
Мангустлар төркеме өч бертуган – Дэйва, Энди, Мартина (алар 2019 елда дөньяга килгән) һәм өлкән ата мангуст Гилмардан (2010 елда туган) тора. Зооботаника бакчасы белгечләре сары мангустларның кызыксынучан һәм хәрәкәтчән булуын билгеләп үтә, шуңа күрә алар төркемдә булганда һәм бер-берсе белән уйнаганда җәнлекләрне күзәтү аеруча кызык.
Сары, төлке яки төлке сыман мангустлар – төлкегә ошаган очлы борынлы, түгәрәк колаклы һәм озын койрыклы җәнлекләр. Бу ерткычлар, нигездә, ит, йомырка, җиләк-җимеш һәм яшелчә белән туклана, бигрәк тә салат яфракларын яраталар.
Искәртеп узабыз, быел Казан зооботаника бакчасында дикобраз урнашты, өч бәрән дөньяга килде, мәчесыман лемурларда игезәк балалар туды, кара грифлар пары ишәергә тора.
Шулай ук укыгыз
-
27.07.2025, 09:09 -
26.07.2025, 09:36 -
25.07.2025, 17:36 -
25.07.2025, 16:54