Казанның «Манеж» күргәзмә залында Россиянең XX гасыр яңа ел анимация шедеврлары тәкъдим ителәчәк

«Чыршылар кабынганда» күргәзмәсендә Яңа ел экскурсияләре, театральләштерелгән программа, мастер-класслар узачак.

Фото: Денис гордийко

(Казан шәһәре KZN.RU, 17-нче декабрь). 19-нчы декабрьдән «Казан Кремле» Музей-тыюлыгының «Манеж» күргәзмә залында «Союзмультфильм» киностудиясе белән берлектә әзерләнгән «Чыршылар кабынганда» күргәзмәсе эшли башлаячак. Күргәзмә быел 70 яшен тутырырга тиеш булган режиссер Александр Татарский истәлегенә багышланган.

Экспозициядә XX гасырның яңа ел анимацияләре – Владислав Старевичның революциягә кадәр Россиядә төзелгән беренче курчак фильмнарыннан жанр антологиясе һәм Дзиги Вертовның ХХ гасырның икенче яртысындагы танылган «Союзмультфильм» проектларына кадәр анимацион экспериментлары күрсәтеләчәк. Аерым алганда, күргәзмәдә Владислав Старевич, Дзиги Вертов, Николай Ходатаев, Мстислав Пащенко, Леонид Амальрик, Иван Иванов-Вано, Валентина һәм Зинаида Брумберг һәм үзебезнең мультипликациянең башка классиклары фильмнарын күрсәтәчәкләр. Экспозициянең төп яңа ел шедеврлары – «Снеговик-почтовик», «Раштуа алдыннан төн» һәм тагын унлап фильм.

Күргәзмәдә шулай ук «Пилот» легендар студиясен булдыручы Александр Татарский – атаклы режиссер-аниматор коллекциясеннән алтмыш Кыш Бабай сыны тәкъдим ителәчәк. Аның атаклы «Узган елгы кар төште» фильмы экспозициягә кертелгән.

Күргәзмәдә Яңа ел экскурсияләре, театральләштерелгән программа, мастер-класслар узачак, дип хәбәр итә музей-тыюлык матбугат хезмәте. Күргәзмәгә 7-нче февральгә кадәр килергә мөмкин.

Шулай ук укыгыз

Барлык яңалыклар