Казанның «Крылья Советов» паркында «Ретро-пәнҗешәмбе» урам кинокуелышлары дәвам итә

«Ракушка» җәйге эстрадасында якындагы сеанс 27-нче июньдә узачак.

(Казан шәһәре KZN.RU, 26-нчы июнь). Казанның «Крылья Советов» паркында «Ретро-пәнҗешәмбе» урамда кино күрсәтү сериясе дәвам итә. «Ракушка» җәйге эстрадасында якындагы сеанс 27-нче июньдә узачак.

Шәһәр халкы һәм Татарстан башкаласы кунаклары киләсе пәнҗешәмбедә Джон Бойнтон Пристлиның «31 июня» повесте мотивлары буенча ике серияле совет фильмы-мюзиклын күрәчәкләр. Бу XXI гасырда яшәгән рәссамның һәм Перадор патшалыгы принцессасының, король Артур идарә иткән дәвердәге мәхәббәт тарихы.

Июль аенда казанлыларны Андрей Тарковский, Никита Михалков, Марк Захаров һәм башка режиссерларның фильмнары көтә. Әйтик, 4-нче июльдә «Усатый нянь» киносын, 11-нче июльдә – «Обыкновенное чудо», 18-нче июльдә – «Раба любви», 25-нче июльдә – «Зеркало»ны карарга мөмкин булачак. Барлык сеанслар да 21.00 сәгатьтә башлана, дип хәбәр итә Парклар һәм скверлар дирекциясе үзенең Instagram-аккаунтында.

Шулай ук укыгыз

Барлык яңалыклар