Яңалыклар
30.10.2024, 15:16
Казанның «Черек күл» паркында ясалма сулыкны киптерәләр
Кышын аның урынында шугалак барлыкка киләчәк
Казанның «Черек күл» паркында кышка әзерлек башланды – белгечләр ясалма сулыкны киптерергә керештеләр. Салкыннар башлангач, күлдә гадәттәгечә шугалак катырачаклар.
Башта сулыктан бөтен суны суыртып алалар, аннары аның урынын пычрактан һәм коелган яфраклардан чистарталар. Эшләрне киләсе атна ахырына кадәр төгәлләргә планлаштыралар, дип хәбәр итә парклар һәм скверлар дирекциясе.
Исегезгә төшерәбез, узган кышта «Черек күл» паркы шугалагы 63 көн эшләде. 21 меңнән артык кеше прокат хезмәтеннән файдаланган.
Шулай ук тиздән ТР төзелеш тармагы барлыкка килүнең 100 еллыгы скверында сулыкларны киптерә башлаячаклар.
Элегрәк хәбәр ителгәнчә, Казанда фонтаннарны вакытлыча туктату башланды. Кышкы чорга эшчеләр Салават күпере торак районы паркында, Дәрвишләр һәм Юдино бистәләрендә, Белинский, Столяров исемендәге скверларда, Петров, «Крылья Советов», Тинчурин исемендәге һәм башка паркларда конструкцияләр әзерләячәкләр.
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
