Казан метрополитенында 95 дивар һәм идән плитәсен алыштырдылар

«Кремль» станциясендә мозаиканың 3895 элементын торгыздылар

Казан метрополитенында «Метроэлектротранс» МУП юл хуҗалыгы хезмәте хезмәткәрләре платформаларда, төшә торган урыннарда һәм җәяүлеләр кичүләрендә 95 идән һәм дивар плитәсен алыштырганнар.

Белгечләр «Горки» станциясендә аз хәрәкәтләнүче пассажирлар өчен 175 метрлы сары кисәтү полосаларын яңарттылар.

«Кремль» станциясендә декоратив мозаика өслеген торгызу буенча эш алып барыла – хезмәткәрләр мозаиканың 3895 элементын реконструкцияләгәннәр. Монда шулай ук 18 яраксыз ярымшпалкны алыштырганнар.

Электр депосының парк юлларында белгечләр яраксыз 19 шпалны яңартканнар, 1320 метр контактлы рельс тартмаларын чистартканнар һәм буяганнар.

Моннан тыш, хезмәткәрләр «Сукно бистәсе» станциясендәге төшә торган урыннардагы 36 кв.м металл конструкцияләрне буяганнар. Территорияне юуга да игътибар ителгән: «Сукно бистәсе»ннән «Әмәт»кә кадәр 400 метр ара кул белән чистартылган.

Барлык эшләр дә, поездлар хәрәкәтенең куркынычсызлыгын тәэмин итү һәм эштә җитешсезлекләр булдырмау өчен, төнге вакытта уза, дип хәбәр итә «Метроэлектротранс» МУП матбугат хезмәте.

Шулай ук укыгыз

Барлык яңалыклар