Казан Кремлендә инвалидлыгы булган шәһәрлеләр өчен ишарә телендә һәм тифлокомментарийлар белән экскурсияләр узачак

Алар күргәзмә залларын 1 нче декабрьдән 10 нчы декабрьгә кадәр бушлай карый алачаклар.

Фото: «Казан Кремле» музей-тыюлыгы матбугат хезмәте

(Казан шәһәре KZN.RU, 29 нчы ноябрь). Инвалидлар декадасына «Казан Кремле» музей-тыюлыгы бушлай чаралар сериясен әзерләде. Килүчеләр өчен рус ишарә телендә тифлокомментарийлар белән экскурсияләр, лекцияләр, роликларны тәкъдим итү, видео- һәм аудиогидлар оештырылачак.

Чаралар циклы Казан Кремле музейларында инклюзив практикалар темасына лекциядән башлана. Очрашу рус ишарә теленә тәрҗемә ителәчәк. Чара 30 нчы ноябрьдә 18:30 да Гавами урыннарда узачак. Керү – алдан теркәлү буенча.

1 нче декабрьдә күрмәүчеләр һәм начар күрүчеләр өчен ислам мәдәнияте музеенда 13:00 сәгатьтә «Кремльгә кагыл: музей» дигән экскурсия узачак. 3 нче декабрьдә рус ишарә телендә Благовещение соборы тарихы музее экспозициясе буенча экскурсия үткәрәчәкләр. Сәяхәт 14:00 сәгатьтә башлана. Шул ук көнне «ВКонтакте» социаль челтәрендәге музей-тыюлык бергәлегендә Казан Кремленең архитектура объектлары турында аңлаешлы телдә видеороликлар сериясен тәкъдир итәләр. Чара «Музей – бар кеше өчен дә!» бөтенроссия инклюзив акциясе кысаларында оештырылган.

4 нче декабрьдә 14:00 сәгатьтә «Манеж» күргәзмәләр залында инвалидлыгы булган казанлылар «Җепшеклек»тән «үзгәртеп кору»га кадәр. 1960-1980 елларда СССР сәнгате» күргәзмәсе буенча экскурсиядә була алачак. Очрашуны рус ишарә телендә алып барачаклар. 7 нче декабрьдә 13:00 сәгатьтә күрмәүчеләр һәм начар күрүчеләр өчен «Эрмитаж-Казан» үзәгендә «Фламанд сәнгатенең алтын гасыры» күргәзмәсе буенча экскурсия узачак. Шул ук көнне бушлай экскурсиядә балалар да була алачак. Алар өчен 14:00 сәгатьтә «Казан Кремле белән беренче танышуым» программасы башлана.

Программаларга бару өчен nauka.kreml@mail.ru электрон почтасы яисә +7(843)567-80-29 (шалтыратулар), +7(986)917-78-61 (WhatsApp) телефоннары буенча алдан теркәлергә кирәк, дип хәбәр итә музей-тыюлыкның матбугат хезмәте.

Моннан тыш, 1 нче декабрьдән 10 нчы декабрьгә кадәр инвалидлар Казан Кремленең музей һәм күргәзмә залларына бушлай йөри ала. Бу көннәрдә «Фламанд сәнгатенең алтын гасыры» күргәзмәсендә саңгырау һәм начар ишетүче, күрмәүче һәм начар күрүче кунаклар өчен видео- һәм аудиогидлар булачак. Шулай ук ишетү сәләте начар булган кешеләр Казан Кремле буйлап йөргәндә видеогидлардан файдалана алачаклар.

Исегезгә төшерәбез, инвалидлар декадасына Казанда 100 дән артык мәдәни-массакүләм чара оештырыла. Быел шәһәрдә хәйрия экскурсияләре, «Көчле рухлылар» спорт бәйрәме, инклюзив бал һәм башка вакыйгалар узачак.

Шулай ук укыгыз

Барлык яңалыклар