В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
22.11.2023, 13:56
Казан Кремлендә япон рәсем сәнгате техникасында картиналар тәкъдим ителәчәк
Күргәзмәне ачу көнендә килүчеләр рәссам Олег Усов белән очраша алачак
Фото: «Казан Кремле» музей-тыюлыгы матбугат хезмәте
(Казан шәһәре KZN.RU 22 нче ноябрь). Казан Кремленең «Манеж» күргәзмә залында 25 нче ноябрьдә «Суми-э рәсем сәнгатендә һәм хайкай шигъриятендә кышкы мотивлар» күргәзмәсе ачылачак. Анда рәссам Олег Усовның эшләре тәкъдим ителәчәк.
Тамашачылар Япон суми-э рәсем техникасында (бу махсус дөге кәгазендә тушь белән язу сәнгате) ясалган картиналарны күрә алачак. Эшләр профессор Александр Долин тәрҗемәсендәге шигырьләр белән озатылачак. Экспозициягә шулай ук Олег Усов тарафыннан Мәскәүдә Россия Дәүләт китапханәсе җыентыгы өчен төзелгән уникаль альбом да кертелгән.
Күргәзмә ачылу көнендә кунаклар рәссам белән аралаша һәм шигъри миниатюралар иҗат итү буенча конкурста катнаша алачак. Җиңүчеләр призлар алачак, алар арасында Олег Усовның бер картинасы да бар. Башлану вакыты 13:00 дә, дип хәбәр итә музей-тыюлыкның матбугат хезмәте.
Шулай ук укыгыз
-
28.07.2025, 13:17 -
28.07.2025, 13:14 -
28.07.2025, 13:11 -
28.07.2025, 10:52