Казан мәктәпләрендә язгы Игелек атнасы башланды

Казан мәктәпләрендә язгы Игелек атнасы башланды

<p> (Казан шәһәре KZN.RU, 13-нче май). Бүген Казанда язгы Игелек атнасы старт алды, ул инде дүртенче тапкыр «Мәрхәмәтле Казан» шәһәр проекты химаясе астында үткәрелә. </p> <p> Традиция буенча атна игелек дәресләреннән башлана. Шәһәрнең барлык мәктәпләрендә дә укучылар остазлары белән игелек, үзара ярдәм итешеп яшәү, хөрмәт, толерантлык темалары буенча фикер алышачак. </p> <p> Шулай ук игелекле эшләр көндәлеге эшләренә йомгак ясалачак – иң актив беренче сыйныф укучылары үз район хакимияте башлыгының грамотасы белән бүләкләнәчәк. Исегезгә төшерәбез, 1-нче сентябрьдән беренче сыйныф укучылары көндәлекнең басма версиясе белән бергә <a href="http://xn--90abfbbceusoncq3a9exe.xn--p1ai/" target="_blank">онлайн-платформа да</a> эшләделәр, анда социаль челтәр форматында үзләренең игелекле эшләре белән уртаклаштылар һәм конкурсларда катнаштылар. </p> <p> Моннан тыш, игелек атнасы кысаларында Казан үзиреклеләре мәктәп территорияләрен төзекләндерәчәк, агачлар утыртачак, скверлар һәм паркларны җыештырачак. </p> <p> 18-нче майда узачак гомумшәһәр хәйрия ярминкәләре Игелек атнасының кульминациясе булачак. Барлык җыелган акчалар да <a href="https://dobro.mail.ru/" target="_blank">махсус сервиста</a> тикшерү узган хәйрия фондлары адресына юлланачак. </p>

2019-05-13T16:57:00+0300