Казан мәктәпләрендә һәм балалар бакчаларында инклюзив белем атналыгы узачак

Белем бирү учреждениеләрендә укучылар, педагоглар һәм ата-аналар өчен инклюзия көннәре, параспорт бәйрәмнәре һәм кино күрсәтүләр узачак.

Фото: Марат Мугинов

(Казан шәһәре KZN.RU, 7-нче октябрь). 12-нче октябрьдән 17-нче октябрьгә кадәр 9 Казан мәктәбендә һәм 5 балалар бакчасында «Дәрескә - бергә» федераль социаль проект кысаларында инклюзив белем атналыгы узачак.

Инлюзив белем атнасы җәмәгатьчелек игътибарын инвалидлыгы булган һәм булмаган балаларга бергәләп белем бирү өчен шартлар тудыру зарурлыгына юнәлтү өчен үткәрелә. Мәктәпләрдә һәм бакчаларда укучылар, педагоглар, ата-аналар өчен инклюзия көннәре, параспорт бәйрәмнәре һәм «Барьерларсыз кино» кинофестивале программасыннан кино күрсәтүләр уздырылачак.

«Бу очрашулар педагогик компетентлыкны арттыру, ата – аналарда инклюзив белем бирүгә уңай мөнәсәбәт формалаштыру һәм балаларда сәламәтлекләр мөмкинлекләре чикле булган яшьтәшләренә карата толерант мөнәсәбәт тәрбияләү өчен үткәрелә», – ди шәһәр мәгариф үзәгенең инклюзив белем бирү проектлары координаторы Валентина Чернявская.

Инклюзив белем бирү атналыгы Казанда «Перспектива» инвалидларның төбәк иҗтимагый оешмасы, мәгариф идарәсе, шәһәр мәгариф үзәге инициативасы белән үткәрелә.

Шулай ук укыгыз

Барлык яңалыклар