В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
10.02.2023, 10:45
Казанның күпфункцияле үзәкләрендә Россия дәүләт хезмәтләре порталындагы электрон документларны бастырып чыгарырга һәм расларга мөмкин
Моның өчен шәхесне раслаучы документ һәм порталда гаризага бирелгән номерны күрсәтергә кирәк.
Фото: Марат Мугинов
(Казан шәһәре KZN.RU, 10 нчы февраль). Казанның күпфункцияле үзәкләрендә Россия дәүләт хезмәтләре порталындагы электрон документларны бастырып чыгарырга һәм расларга мөмкин. Мөстәкыйль бастырылган кәгазь версиясенең юридик көче юк, дип хәбәр ителә «Минем документлар» сайтында.
Хезмәттән файдалану өчен шәхесне раслаучы документ һәм порталда гаризага бирелгән номерны күрсәтергә кирәк. «Минем документлар» офисы хезмәткәре хезмәт күрсәтү нәтиҗәсе белән электрон документ алуга запрос җибәрәчәк. Шуннан соң аны бастырып чыгарачаклар һәм раслаячаклар.
«Башка ресурслардан, мәсәлән, Федераль салым хезмәтеннән алынган электрон документларны КФҮдә алып булмый, чөнки аларның электрон базаларына керү мөмкинлеге юк», - дип аңлатты ТР КФҮ ДБУ директоры урынбасары Руслан Нигъмәтуллин.
Шулай ук укыгыз
-
30.11.2025, 09:03 -
29.11.2025, 12:10 -
29.11.2025, 11:00 -
29.11.2025, 09:30