Казанда балалар ялы иминлеге мәсьәләләре буенча кайнар линия эшли башлаячак

Халыкка Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте белгечләре консультация бирәчәк.

(Казан шәһәре KZN.RU, 19-нчы май). Татарстанда җәйге каникуллар алдыннан балалар товарларының сыйфаты һәм куркынычсызлыгы, балалар ялы, шулай ук әлеге төр товарларга һәм эшчәнлек төрләренә карата гамәлдәге норматив гигиена таләпләре мәсьәләләре буенча кайнар линия эшли башлаячак.

Кайнар линия 20-нче майдан 3-нче июньгә кадәр ачылачак, дип хәбәр иттеләр ТР буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсендә. Халыктан шалтыратулар түбәндәге номерлар буенча кабул ителәчәк:

Кулланучылар хокукларын яклау һәм кеше иминлеге өлкәсендә федераль хезмәтнең бердәм консультация үзәгендә тәүлек әйләнәсе режимында +7(800)555-49-43 телефоны буенча;

Кулланучылар өчен консультация үзәгендә +7(843) 221-90-16 телефоны буенча көн саен 9.00-дән 17.00-гә кадәр, ял һәм бәйрәм көннәреннән тыш, 12.00-дән 13.00 сәгатькә кадәр тәнәфес белән;

Татарстан Республикасы буенча Россия кулланучылар күзәтчелеге идарәсендә дүшәмбедән пәнҗешәмбегә кадәр +7(843)273-15-83 телефоны буенча 10.00 сәгатьтән 17.00 сәгатькә кадәр, җомга көнне 10.00 сәгатьтән 15.45 сәгатькә кадәр, тәнәфес 12.00 сәгатьтән 12.45 сәгатькә кадәр.

Шулай ук укыгыз

Барлык яңалыклар