Казанда административ хокук бозулар өчен штрафларны тикшерү буенча чат-бот эшләтеп җибәрделәр

Кулланучылар яшел зоналарда машина кую өчен һәм коелучан йөкләрне япмасыз ташу өчен түләтүләр булу турында белә ала

Казанда административ хокук бозулар өчен штрафларны тикшерү буенча чат-бот эшләтеп җибәрделәр. Сервиста кулланучылар муниципаль парковканы түләмәгән өчен түләтүләр булу-булмау, машинаны яшел зонага кую яки коелучан йөкләрне япмасыз ташу турында белә ала.

Функционал хокук бозуларның фотоларын күрергә, аны башкару урыны һәм вакыты турында мәгълүмат алырга, шулай ук штрафны түләү вакытлары турында белергә мөмкинлек бирә. Моннан тыш, кулланучылар яңа түләтүләр турында хәбәрләр алу өчен язылуны көйли алалар.

Карарлар турындагы белешмәләр автомобильнең дәүләт теркәү номеры һәм транспорт чарасын теркәү турындагы таныклык номеры буенча бирелә. Штрафлар турында белү өчен уникаль исәпләү идентификаторын кертергә кирәк булачак.

Чат-ботны Telegram мессенджерында карарга мөмкин, дип хәбәр иттеләр административ комиссияләр эшчәнлеген оештыру идарәсендә.

Шулай ук укыгыз

Барлык яңалыклар