ТР башкаласында бушлай «Казань кинематографическая» аудиогиды эшли башлады

Цифрлы гид кунакларны һәм шәһәр халкын үзәк буйлап йөргәндә озата барачак

Фото: Денис Гордийко

(Казан шәһәре KZN.RU, 29 нчы сентябрь). Татарстан башкаласында Казан киносының йөз еллык тарихын сөйләүче «Казань кинематографическая» аудиогиды эшли башлады. Үзәк буйлап йөргәндә кунаклар һәм шәһәр халкы беренче кино күрсәтүләр һәм тамашачыларны җәлеп итү, шулай ук ни өчен хәзерге режиссерларга Казан үзәгендә пычрак төягән ике йөк машинасы кирәклеге турында беләчәк.

Тыңлаучыларга тормышлары Татарстан белән бәйле булган танылган шәхесләр турында сөйләячәкләр. Аерым алганда, узган гасырның 80 елларына кадәр Казан кинотеатрларында сеанслар алдыннан уйнаган джаз-оркестр белән җитәкчелек иткән Олег Лундстрем һәм телсез кинода төшкән һәм «Дон Кихот» фильмында төп рольне башкарган Федор Шаляпин турында.

Аудиогид 20 дән артык локацияне үз эченә ала: парклар, архитектура һәйкәлләре, Бауман җәяүлеләр урамы һәм Кабан күле. Маршрутның озынлыгы якынча өч километр тәшкил итә.

Аудиоэкскурсияне театр һәм кино актрисасы, Татарстанның атказанган артисткасы Ләйсән Дусаева алып бара. Гид өстендә урбанист, культуролог, тарихчы, Казанның тотрыклы үсеше концепциясен булдыру буенча эшче төркем әгъзасы Энҗе Дусаева, шулай ук «Кино вакыты» дирекциясе командасы эшләгән.

МТС компаниясе эшләгән аудиогид автоном эшли, аңа теләсә кайсы урында тоташырга мөмкин.

Шулай ук укыгыз

Барлык яңалыклар