Казанда бер тәүлек эчендә 156 кешедә коронавирус инфекциясе расланган

COVID-19 га каршы вакцинацияне тагын 15 мең 242 татарстанлы ясаткан.

Фото: Марат Мугинов

(Казан шәһәре KZN.RU 15-нче ноябрь). Татарстанда COVID-19 белән авыруның 270 яңа очрагы теркәлгән, шуларның 3-се читтән кергән, калганнары элемтә аша. 68 кеше хастаханәгә озатылган, 202 өйдә дәвалана.

Авыручылар арасында 156 кеше – Казанда, 21 кеше – Яр Чаллыда, 18 кеше – Чистай районында, сигезәр кеше – Алексеевск һәм Норлат районнарында, 7 кеше – Биектау районында, 6 кеше – Әлмәт районында, бишәр кеше – Алабуга һәм Яшел Үзән районнарында, дүртәр кеше Лаеш, Түбән Кама һәм Спас районнарында, өчәр кеше – Бөгелмә, Буа, Яңа Чишмә һәм Питрәч районнарында, 2 кеше – Актаныш районында, берәр кеше Азнакай, Аксубай, Арча, Югары Ослан, Лениногорск, Минзәлә, Мөслим, Саба, Тәтеш һәм Тукай районнарында яши.

15-нче ноябрьгә Татарстанда 34 мең 188 COVID-19 авыруы теркәлгән. Пандемиянең бөтен чорында 27 мең 17 кеше сәламәтләнде, шул исәптән 46 – узган тәүлектә. Барлыгы 1 млн 820 мең 879 татарстанлы вакцинацияләнгән (тәүлеккә үсеш – 15 мең 242), шулардан 1 млн 277 мең 895 кеше икенче прививка алган.

Федераль оператив штаб мәгълүматы буенча, Россиядә тәүлеккә 38 мең 420 авыруның яңа очрагы теркәлгән. Барлыгы илдә 9 млн 109 мең 94 авыру очрагы ачыкланган, 7 млн 812 мең 557 кеше сәламәтләнгән.

Исегезгә төшерәбез, коронавирустан прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм аларның эш режимы KZN.RU порталында бастырылган.

Шулай ук укыгыз

Барлык яңалыклар