Казанда тәүлек эчендә 889 тонна бозлавыкка каршы материаллар кулланылган

Урамнардан 8,7 мең тонна кар чыгарылган.

(Казан шәһәре KZN.RU, 10-нчы гыйнвар). Узган тәүлек эчендә Казан урамнарыннан 8 мең 737 тонна кар чыгарылган. Шәһәр урамнарында кар көрәүдә 491 юл хезмәте эшчесе һәм 608 махсус техника берәмлеге катнашкан. Алар арасында – 93 катнаш юл машинасы, 65 "Бошунг” катнаш юл машинасы, 12 кар төягеч, 129 щеткалы трактор, 31 грейдер, 70 фронталь төягеч, 54 "Барсик" минитөягече, 141 үзбушаткыч һ.б.

Тәүлек эчендә Татарстан башкаласы юлларына 889 тонна бозлавыкка каршы катнашма, шул исәптән 69 тонна реагент һәм 820 тонна ком-тоз катнашмасы сибелгән.

Бүген, 10 гыйнварда, районнар администрацияләре мәгълүматлары буенча, Казан урамнарында 521 юл хезмәте эшчесе һәм 321 берәмлек махсус техника катнашачак.

Кышкы сезон башыннан шәһәр урамнарыннан барлыгы 224,6 мең тонна кар чыгарылган, дип хәбәр итә Башкарма комитетның Тышкы төзекләндерү комитеты.

Шулай ук укыгыз

Барлык яңалыклар