Казанда БРИКС Уеннарына һәм саммитына бер миллион чәчәк утырттылар

Шәһәр урамнарын 300 агач һәм биш мең куак бизәгән

Казанда БРИКС Уеннарына һәм саммитына багышланган яшелләндерү эшләре вакытында бер миллион чәчәк утырттылар. Бу хакта «Татар-информ» мәгълүмат агентлыгында узган матбугат конференциясендә тышкы төзекләндерү комитеты рәисе Игорь Сәләхетдинов хәбәр итте.

Спикер сөйләгәнчә, халыкара вакыйгаларга Оренбург трактында, Павлюхин, Сибгат Хәким, Карл Маркс, Кремль урамнарында 300 агач һәм биш меңнән артык куак утыртылган.

15 нче июльгә Казан Кремле һәм Коротченко скверы янындагы Меңьеллык мәйданын төзекләндерү тәмамланачак. Хәзер объектларда кече архитектура бизәкләрен генә урнаштырасы калды. Иҗтимагый киңлекләрдә юл өслеге яңартылды, автоматик рәвештә су сибү җайланмасы системасын һәм 60 тан артык яктырту баганасын ремонтладылар.

Кремль янында 28 мең кв.м үлән җәйделәр һәм 11,5 мең кизил куагын өч рәткә тезеп утырттылар, ә «Йөрәкләр» чәчәк җыелмасына 17 мең бакра гөле өстәделәр.

Халыкара аэропорттан чыкканда урнаштырыла торган «Казан» дивары БРИКС саммитына әзер булачак. Исегезгә төшерәбез, 5,5 м биеклектәге һәм 28 м киңлектәге яңа арт-объектны заманча стильдә милли орнамент төсләре өстәп әзерләячәкләр. Диварны яктырткычлар бизәячәк: тыштан — салкын тонда, ә эчтән — җылы.

Игорь Сәлахетдинов БРИКС Уеннарына ТР башкаласында дүрт иҗтимагый киңлек төзекләндерелде, дип өстәде. Бауман җәяүлеләр урамында түшәлгән ташны алыштырганнар, «Кремль» метро станциясенә керү юлында юл асты диварларын һәм «Казан мәчесе» скульптурасы янында диварны яңартканнар. Быелгы беренче булып төзекләндерелгән Котельников скверында 5,5 мең кв.м мәйданда яшелләндерү үткәрелгән.

Аннан соң эшләр Островский урамы буйлап Меңьеллык паркында тәмамланды, анда кизил куагыннан тере койма утырттылар һәм яңартылган фонтан эшләтеп җибәрделәр. Булакта бердәм идарә системасы белән эшли торган Россиядәге иң озын фонтанлы комплекс ачтылар. Ермакның биеклеге 15 метрга кадәр җитә һәм аны 56 йөзүче фонтан һәм сәнгать-архитектура яктырткычы бизәгән.

Бүгенгә җәмәгать урыннарында 12 яңа бәдрәф урнаштырылган. Хәзер инженерлык коммуникацияләрен тоташтыру буенча эшләр алып барыла.

Шулай ук укыгыз

Барлык яңалыклар