Казанда «Татарстан энҗесе - 2019»ны сайлаячаклар

Бәйгедә төрле инвалидлык формалары булган 10 кыз катнашкан.

(Казан шәһәре KZN.RU, 5-нче декабрь). 6-нчы декабрьдә Казанның «Әкият» балалар үзәгендә инвалидлыгы булган хатын-кызлар арасында «Татарстан энҗесе - 2019» VI Республика конкурсының финал тамашасы узачак. Анда төрле инвалидлык формалары булган 10 кыз катнашкан.

Финалда кызларга иҗади номер, үз-үзеңне тәкъдим итү, кичке күлмәкләрдәге дефиле тәкъдим итәргә, шулай ук сораштыру сорауларына җавап бирергә кирәк булачак. Финал алдыннан катнашучылар фотосессия, мастер-класслар, тренинглар уза.

Конкурста катнашучыларның берсе – 31 яшьлек Анна Яруллина. Моннан 10 ел элек кызга спиналь инсульт дигән диагноз куелган була. Хәзер Анна инвалид креслосында йөри. Физик мөмкинлекләрне чикләнү Аннаны сындырмаган, ул элеккечә үк оптимистик һәм энергияле, конкурста җыр башкарачак. Кызга ире Ленар да рухи ярдәм итә, сәхнәдә алар бергә чыгыш ясаячак. «Әлеге конкурс турында хыялландым, әлбәттә, бик дулкынланам, әмма мин авырлыкларга каршы көрәшергә өйрәндем, янәшәмдә һәрвакытта да ирем бар, ул - минем төп ярдәмем һәм таянычым, аның янында бернидән дә курыкмыйм», - дип хис-кичерешләре белән уртаклашты Анна.

Анна Яруллина белән бергә конкурста Казанны Ангелина Ковкова, Кристина Крылова һәм Алинә Шәрәфетдинова тәкъдим итәчәк.

Конкурсның финалы 11.00 сәгатьтә башлана, дип хәбәр итте оештыручылар.