Казанда татар телен популярлаштыру буенча иң яхшы проектларны сайлап алачаклар

Казан мэриясенең татар телен куәтләү буенча конкурсларына гаризалар кабул итү дәвам итә

30 июньгә кадәр 2 млн сумлык приз фонды булган «Үз телем» конкурсына гаризалар кабул ителә. Анда 14 яшьтән 35 яшькә кадәрге шәһәрлеләр катнаша ала. Катнашучыларга татар телен өйрәнү һәм яшьләр арасында татар мәдәниятен популярлаштыру буенча оригиналь проектлар эшләргә тәкъдим ителә. Гаризалар yztelem@gmail.com электрон почтасы аша кабул ителә.

Конкурста җиңүчеләрнең исемнәре июль ахырында билгеле булачак. Аларның һәркайсы үз проектын гамәлгә ашыруга грант алачак. 2024 елда грантлар яхшы инициативаларны тормышка ашырырга: логопедик әсбаплар, комикс-буягычлар, бактерияләр һәм микроблар турында татарча беренче балалар фәнни-популяр китабы чыгарырга, видеоподкастлар сериясен яздырырга, «Шайтан.Егет.Кыз» спектаклен куярга һәм Солтан Габәши исемендәге беренче милли музыка фестивален оештырырга мөмкинлек бирде.

Моннан тыш, Казан мэриясе татар телен куәтләү буенча башка проектларны гамәлгә ашыра. Апрель азагында башкарма комитетта атна саен уздырылган бушлай татар теле курслары тәмамлана. Аларда 60 ка якын казанлы катнашты. Яңа курслар җәй көне башланачак һәм «Черек күл» паркында узачак.

Шулай ук укыгыз

Барлык яңалыклар