Казанда стажлы иң яхшы машина йөртүчене сайлаячаклар

Шәһәрдә ел саен үткәрелә торган машина йөртү осталыгы бәйгесенең Өлкәннәр көненә багышланган шәһәр сайлап алу этабы узачак.

(Казан шәһәре KZN.RU, 13-нче сентябрь). Казанда иң яхшы тәҗрибәле шоферны сайлап алачаклар – Татарстан башкаласында ел саен үткәрелә торган машина йөртү осталыгы конкурсының өлкәннәр көненә багышланган шәһәр сайлап алу этабы узачак.

Катнашучыларга башта юл хәрәкәте кагыйдәләрен белүләрен күрсәтергә туры киләчәк, анда тикшерү транспорт белән идарә итү хокукына квалификация имтиханнарын тапшыруга тәңгәл булачак. Аннары алар автомобиль белән идарә итү күнекмәләрен практикада – махсус трассада күрсәтәчәкләр.

Иң яхшы стажлы автомобильче октябрь аенда узачак республика ярышларында Казан данын яклаячак.

Анда катнашырга Татарстан башкаласында яшәүчеләр – 55 яшьтән өлкәнрәк хатын-кызлар һәм 60 яшьтән өлкәнрәк ир-атлар чакырыла. Тулырак мәгълүматны белү һәм катнашуга гариза бирү өчен түбәндәге телефон аша шалтыратырга мөмкин: (843) 533-38-41 яки propagandaogai@mail.ru электрон почта адресы буенча.

Конкурс ТР буенча Эчке эшләр министрлыгы ЮХИДИ идарәсе комплексы территориясендә узачак: Оренбург тракты, 5.

Шулай ук укыгыз

Барлык яңалыклар