Казанда иң яхшы җәмгыять тәрбиячесен сайлаячаклар

Конкурсның финалы 7-нче октябрьдә «Московский» мәдәни үзәгендә узачак.

(Казан шәһәре KZN.RU, 4-нче октябрь). «Балигъ булмаганнарның иң яхшы җәмәгать тәрбиячесе – 2019» республика конкурсының зона этабы Казанда 7-нче октябрьдә узачак.

Һөнәри ярышның финалында 6 конкурсант катнашачак, алар социаль яктан куркыныч һәм авыр тормыш хәлендә калган балалар белән эшлиләр.

Жюрига ТР Мәдәният министрының беренче урынбасары Юлия Әдһәмова, ТР балигъ булмаганнар эшләре һәм аларның хокукларын яклау буенча республика комиссиясенең җаваплы секретаре Илсөяр Гарифуллина, РФ һәм ТР Иҗтимагый палатасы әгъзасы, «Родники мира» хәйрия фондын гамәлгә куючы Татьяна Забегина, Мәдәният идарәсе җитәкчесе урынбасары Эмиль Мостафин керде.

«Балигъ булмаганнарның иң яхшы җәмәгать тәрбиячесе» конкурсы 2012 елдан бирле үткәрелә. Бу вакыт эчендә анда 350 кеше катнашты. Быел ярыш 7-нче октябрь көнне 15.00 сәгатьтә «Московский» мәдәният үзәгендә узачак, дип хәбәр итә социаль өлкә бүлекчәләренең координация һәм үзара хезмәттәшлеген тәэмин итү бүлеге.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар