Казанда җәмәгать транспортының кайбер тукталышлары вакытлыча күчереләчәк

Бу юл эшләрен башкару белән бәйле.

Фото: Денис Гордийко

(Казан шәһәре KZN.RU, 13-нче октябрь). 16-нчы октябрьдән Казанның Вахитов һәм Идел буе районнарында җәмәгать транспортының кайбер тукталыш пунктлары вакытлыча күчереләчәк. Бу юл эшләрен башкару белән бәйле.

Шулай итеп, Г.Тукай урамын төзекләндерү белән бәйле рәвештә, «Юныс мәйданы» тукталышы Татарстан урамына таба 5, 23, 56, 68, 72-нче номерлы автобус маршрутлары өчен шул исемдәге скверга күчәчәк. 5 һәм 5а номерлы трамвай маршрутлары өчен бу тукталыш ике юнәлештә дә Татарстан урамы буенча 7-нче номерлы йорт янына күчереләчәк.

Шул ук вакытта 5, 6, 23, 56, 72-нче номерлы автобус маршрутлары хәрәкәте схемасыннан Татарстан урамы буенча «Каюм Насыйри» тукталышы бетереләчәк. Алар өчен Татарстан урамындагы 7-нче номерлы йорт янында «Габдулла Тукай урамы» тукталыш пункты кертеләчәк.

Моннан тыш, юл челтәрен реконструкцияләүгә бәйле рәвештә 4, 22, 33, 34, 37, 45, 55, 111с номерлы автобуслар өчен «Южная» тукталыш пункты да Җиңү проспектыннан Оренбург юлына күчәчәк.

4, 22, 33, 34, 37, 45-нче номерлы автобус маршрутлары өчен яңа тукталыш – «Рауис Гәрәев урамы» – ике юнәлештә дә 105-нче һәм 92-нче номерлы йортлар тирәсендә оештырылачак, дип хәбәр иттеләр Казан Башкарма комитетының Транспорт комитетында.

Шулай ук укыгыз

Барлык яңалыклар