Казанда вакытлыча 28а, 43, 54 номерлы автобусларның һәм 1 номерлы троллейбусның хәрәкәт схемалары үзгәрде

Бу Чистай урамындагы юл өлешенең җимерелүе белән бәйле.

Фото: Марат Мугинов

(Казан шәһәре KZN.RU, 2-нче декабрь). Казанда вакытлыча 28а, 43, 54-нче номерлы автобус һәм 1-нче номерлы троллейбус маршрутларының хәрәкәт схемалары үзгәрде. Бу Чистай урамындагы 60-нчы номерлы йорт янындагы юл өлешенең җимерелү белән бәйле.

Миллениум күпере буйлап үзәктән килгән 28а, 43 һәм 54 номерлы автобуслар «Әмирхан» тукталышына кадәр тоннель буенча узачак. Шул рәвешле аларның хәрәкәт схемаларыннан «Сибгат Хәким», «Четаев», «Чистай», «Алексей Козин» тукталышлары төшереп калдырыла, дип хәбәр иттеләр шәһәр Башкарма комитетының Транспорт буенча комитетында.

1-нче номерлы маршрут троллейбуслары вакытлыча кыскартылган маршрут буенча йөриячәк: Горький Шоссесы – Чистай урамы (Фатыйх Әмирхан урамына кадәр, өченче чатта борылыш). «Метроэлектротранс» муниципаль унитар предприятиесе мәгълүматы буенча, Чистай урамыннан «Роддом» тукталышына кадәр маршрут кисемтәсе хәрәкәт схемасыннан төшереп калдырыла.

«Водоканал» муниципаль унитар предприятиесе хезмәткәрләре җимерелгән участокта төзекләндерү эшләре алып бара.

Җәмәгать транспорты хәрәкәтенең элекке схемасы юлның авария хәлендәге участогында эшләр тәмамланганнан соң торгызылачак.

Шулай ук укыгыз

Барлык яңалыклар