Яңалыклар
26.04.2021, 10:43
Казанда Габдулла Тукай һәйкәленә чәчәкләр салдылар
Тантанада Р.Миңнеханов, М.Шәймиев, Ә.Сәфәров, И.Метшин, Т.Ларионова катнашты.
Фото: Марат Мугинов
(Казан шәһәре KZN.RU, 26-нчы апрель). Казанда Габдулла Тукайның тууына 135 ел тулу уңаеннан Туган тел көне билгеләп үтелә. Бүген шәһәр үзәгендә бөек татар шагыйре һәйкәленә чәчәкләр куелды. Тантанада Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Президенты Аппараты җитәкчесе Әсгать Сәфәров, Казан Мэры Илсур Метшин, ТР Дәүләт Советы рәисе урынбасары Татьяна Ларионова катнашты.
Республика башлыгының бәйрәм даталары уңаеннан рәсми мөрәҗәгатендә билгеләп үтелгәнчә, бөтен дөнья татарлары өчен Габдулла Тукайның тере, образлы поэзиясе һәрвакытта да әһәмиятле әхлакый ориентир, туган телнең чисталыгы һәм чагылышы эталоны, милли үзенчәлеккә нигезләнә торган фундаменталь башлангычларның берсе булды һәм шулай булып кала да. Туган теллләр һәм халыклар бердәмлеге елында шагыйрьнең туган көнен һәм Туган тел көнен бәйрәм итү аерым әһәмияткә ия, дип ассызыклый ТР Президенты.
Искәртеп узабыз, бүген Габдулла Тукайның тууына 135 ел тулды. Ул рус һәм чит ил классиклары әсәрләренең татар теленә күп санлы тәрҗемәләре авторы, татар вакытлы газета-журналларын булдыруның чишмә башында торган, үз әсәрләренә иллюстрацияләр керткән беренче мөселман шагыйрьләренең берсе булган, аның каләме астыннан бүгенге көнгә кадәр укытучылар һәм тикшеренүчеләр өчен өстәл әсбаплары чыккан.
Фоторепортаж
Г.Тукай һәйкәленә чәчәкләр салу, 26.04.2021
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
