Казанда машина йөртүче 37 яшьлек ирне бәрдергән һәм юл-транспорт һәлакәте урыныннан качкан

Юл-транспорт һәлакәте 23-нче сентябрьдә 22.34 сәгатьтә Җиңү проспекты һәм Ю.Фучик урамы киселешендә булган.

(Казан шәһәре KZN.RU, 24-нче сентябрь). Казанда ЮХИДИ 37 яшьлек ир-атны бәрдерүнең шаһитларын эзли, зыян күрүче көйләнелә торган җәяүлеләр кичү юлы буенча хәрәкәт иткән.

Юл-транспорт һәлакәте 23-нче сентябрьдә 22.34 сәгатьтә Җиңү проспекты һәм Ю.Фучик урамы киселешендә булган. Ир-ат көйләнелә торган җәяүлеләр кичү юлы буенча автомобиль хәрәкәте барышында уңнан сулга чыккан. Шул вакытта шофер светофорның тыелган сигналына кузгала. Юл-транспорт һәлакәте нәтиҗәсендә җәяүленең сул аяк табанының йомшак тукымалары, сул як оча-бот буыны җәрәхәтләнә һәм маңгаеның уң ягы сыдырыла.

Казан дәүләт автоинспекциясе әлеге вакыйга шаһитларын түбәндәге телефоннар аша мөрәҗәгать итүләрен сорый: 5-333-819, 5-333-848.

Узган тәүлектә шәһәрдә 232 юл-транспорт һәлакате теркәлгән, аларның 5-сендә зыян күрүчеләр бар - 3 җәяүлене бәрдерү очрагы һәм 2 транспорт чаралары бәрелеше. Нәтиҗәдә юл-транспорт һәлакәтләрендә катнашкан 7 кеше - 3 җәяүле, 3 пассажир (шул исәптән 2 бала) һәм машина йөртүче төрле дәрәҗәдәге җәрәхәтләр алган.

Шулай ук укыгыз

Барлык яңалыклар