Казанда “Үлемсез полк” акциясе вакытында 6 мобиль медицина пункты эше оештырыла

Казанда “Үлемсез полк” акциясе вакытында 6 мобиль медицина пункты эше оештырыла

<p> (Казан шәһәре KZN.RU, 7-нче май, Алсу Сафина). 9 май көнне ашыгыч медицина ярдәме күрсәтүче сәламәтлек саклау учреждениеләре көчәйтелгән график буенча эшләячәк, ә бәйрәм чараларында медицина хезмәткәрләре һәм ашыгыч медицина ярдәме бригадалары кизү торачак. Бу хакта эшлекле дүшәмбедә ТР Сәламәтлек саклау министрлыгыныңказан буенча сәламәтлек саклау идарәсе җитәкчесе Илнур Хәлфиев сөйләде.<br> </p> <p> Ул хәбәр иткәнчә, стационарларда авыру һәм зыян күрүчеләрнең күпләп килү очракларына койкалар резервланган – койка фондының 10 проценты. Сырхауханәләрдә табиблар кизү торачак – терапевтлар һәм педиатрлар. Олылар сырхауханәләре бу көнне 9.00 сәгатьтән 17.00 сәгатькә кадәр эшләячәк, балалар сырхауханәләре – 9.00 сәгатьтән 15.00 сәгатькә кадәр. Моннан тыш, шәһәр ашыгыч медицина ярдәме станциясендә өстәмә бригадалар билгеләнгән. </p> <p> И.Хәлфиев билгеләп үткәнчә, медицина хезмәткәрләре барлык бәйрәм чараларында кизү торачак. 8 май – М.Җәлил ис. опера һәм балет театрындагы тантаналы чарада һәм ветераннар өчен бәйрәм табыннары урыннарында. </p> <p> 9 майда ашыгыч медицина ярдәме бригадалары Арча һәм Архангельск зиратларындагы, Җиңү паркындагы чараларда кизү торачак. </p> <p> Моннан кала, Меңьеллык мәйданында 4 ашыгыч медицина ярдәме бригадасы эшләячәк – 2 интенсив терапия бригадасы, 2 таиблар бригадасы. Ветераннар белән трибуналарда 2 медпункт оештырыла. </p> <p> “Үлемсез полк” тантаналы акциясен ашыгыч медицина ярдәменең 3 бригадасы озата барачак. 6 мобиль медицина пункты Толстой ис.скверда, К.Маркс һәм Мөштәри урамнары, К.Маркс һәм Жуковский урамнары, К.Маркс һәм Гоголь урамнары киселешләрендә, Казан ратушасы бинасы янында, Казан Башкарма комитеты янында эшләячәк. </p>

2018-05-07T11:04:55+0300