Казанда «Игелекле чүп ташучы» хәйрия экологик проекты старт ала

Шәһәрлеләр икенчел чималны эшкәртүгә тапшырып кына калмыйча, балаларга да ярдәм итә алачак.

(Казан шәһәре KZN.RU, 14-нче август). Казанда «Игелекле чүп ташучы» хәйрия экологик проекты старт ала. Шәһәрлеләр икенчел чималны эшкәртүгә тапшырып кына калмыйча, балаларга да ярдәм итә алачак: калдыкларны эшкәртүдән алынган акчаларны авыр тормыш хәлендә калган балалар өчен мәктәп кирәк-яраклары сатып алуга тотылачак.

Эшкәртүгә сөт, эчемчек һәм майдан бушаган ПЭТ-шешәләр, кәгазьләр, китаплар, дәфтәрләр, тартмалар кабул ителәчәк. Ә балаларга ярдәм итәргә теләүчеләр үзләре үк гомуми дәфтәрләр, циркульләр, көндәлекләр һәм рюкзаклар сатып ала һәм алып килә алалар.

«Игелекле чүп ташучы» беренче акция 17-нче һәм 18-нче августта Кабан күленең яр буенда «Печән базары» фестивале кысаларында 12.00-дән 18.00-гә кадәр узачак.

Акциягә икенчел чимал китерә алмаган кешеләрне экоактивистлар Идел буе экология компаниясе офисында түбәндәге адрес буенча көтеп кала: Гадел Кутуй урамы, 160а, эш көннәрендә 8.30-17.30, дип хәбәр итә оештыручылар.

Проект Идел буе экологик компаниясе һәм «Альпари» хәйрия фонды инициативасы буенча тормышка ашырыла. Тулырак мәгълүматны сылтама буенча табарга була.

Шулай ук укыгыз

Барлык яңалыклар