Казанда триатлон һәм свимран буенча ярышларга теркәлү башланды

Казанда триатлон һәм свимран буенча ярышларга теркәлү башланды

<p> </p> <div class="detail-picture"> <img src="https://kzn.ru/upload/iblock/8ea/DSC03390-870.jpg"> <p class="detail-picture__caption"> Фото: TIMERMAN спорт чаралары сериясе матбугат хезмәте </p> </div> <p> (Казан шәһәре KZN.RU, 25 нче июль). 20 нче һәм 21 нче августта Казанда триатлон һәм свимран буенча ярышлар узачак. Аларга теркәлү инде ачык һәм 6 нчы августка кадәр дәвам итәчәк. </p> <p> Триатлон буенча ярышларда казанлыларга ике классик дистанция (Sprint һәм Olympic ) ачык булачак. Ике дистанциядә дә шәхси һәм команда зачетлары каралган. Эстафеталарда ир-атлар, хатын-кызлар һәм катнаш командалар катнаша ала. Olympic, Olympic эстафетасы, Sprint, Sprint эстафетасы стартлары 18 яшьтән өлкәнрәк спортчылар өчен каралган. <a target="_blank" href="http://timerman.org/events/412?tabOutter=about">Сылтама</a> буенча тулырак мәгълүматны белергә һәм триатлонга теркәлергә мөмкин. </p> <p> Ярышлар көнендә оештыручылар Кабан күлендә су температурасын үлчәячәк. Әгәр ул 16 градустан түбәнрәк булса, катнашучылар гидрокостюмнарда йөзәчәк, 22 градустан югарырак булса – гидрокостюм рөхсәт ителмәячәк, дип билгеләп үтә Timerman спорт чаралары сериясе матбугат хезмәте. </p> <p> Свимран буенча ярышларда спортчыларга 3 һәм 6 километрлы дистанцияләр ачык булачак. 3 километрга стартта 16 яшьтән, ә 6 километрга балигълык яшенә җиткән спортчылар катнаша ала. <a target="_blank" href="http://timerman.org/events/413?tabOutter=about">Сылтама</a> буенча тулырак мәгълүмат алырга һәм свимранга теркәлергә мөмкин. </p>

2022-07-25T16:34:45+0300