Казанда “Кыш Бабайга хат” хәйрия акциясе старт алды

Һәркем балалар өчен кышкы тылсымчы була ала.

(Казан шәһәре KZN.RU, 18-нче октябрь). Казанда “Кыш Бабайга хат” хәйрия акциясе старт алды. Аңа һәркем кушыла ала. Кышкы тулсымчы булу һәм балаларга бәйрәм бүләк итү өчен аларның Кыш Бабайга язган хатларының берсен алып, баланың теләген чынга ашырырга гына кирәк.

“Кыш Бабайга хат” акциясе 12 елдан артык “Альпари” хәйрия фонды оештыра. Анда балалары авырган, әниләре яисә әбиләре баланы үзләре генә тәрбияли торган һәм балага бүләк алырга мөмкинлекләре булмаган гаиләләр катнаша.

Акциягә кушылырга теләүчеләр фонда белән элемтәгә кереп, бер яисә берничә хатны алып, аны тормышка ашырырга мөмкин. Аны балага мөстәкыйль яисә фонд аркылы тапшырырга мөмкин була. Шулай ук “Кыш Бабайга хат акциясе” билгесе белән фондның хисап счетына акча күчерергә мөмкин һәм фонд кирәкле бүләкләрне үзе алып, балаларга җиткерәчәк.

Фонда белән 89063256604 телефоны аша элемтәгә чыгарга була. Хатларны Калинин ур., 48, офис 107 адресы буенча сайларга мөмкин.

Шулай ук укыгыз

Барлык яңалыклар