Казанда "Ягымлы яз-2019" яшьләр фестиваленә гаризалар кабул итү башланды

Катнашучылар 7 мартка кадәр кушыла ала.

(Казан шәһәре KZN.RU, 6-нчы февраль). XXVII "Ягымлы яз-2019" татар милли мәдәнияте яшьләр фестиваленә гаризалар кабул ителә башлады. Конкурста индивидуаль башкаручылар һәм иҗат коллективлары катнаша ала.

Быел фестиваль 30 марттан 1 апрельгә кадәр дүрт юнәлеш буенча узачак: театр, музыкаль, хореография, оригиналь жанр. Җиңүче шулай ук "Мисс ягымлы язбикә" номинациясендә дә сайлап алыначак.

Фестивальгә гаризалар 7 мартка кадәр festkmc@mail.ru электрон почтасы аша кабул ителә, дип хәбәр итә Балалар һәм яшьләр эшләре комитеты. Тулырак мәгълүматны фестивальне үткәрү турындагы нигезләмәдә табарга мөмкин.

Шулай ук укыгыз

Барлык яңалыклар