Казанда «Безнең ишегалды уеннары» шәһәр чемпионатына гаризалар кабул итү башланды

Турнир уеннары 21-нче августтан 6-нчы сентябрьгә кадәр дүрт мәйданчыкта узачак.

(Казан шәһәре KZN.RU, 12-нче август). Казанда ишегалды спорт төрләре буенча «Безнең ишегалды уеннары» III Шәһәр чемпионатында катнашуга гаризалар кабул итү башланды. Ярышлар 21-нче августтан 6-нчы сентябрьгә кадәр узачак.

Быел ярышлар өч яшь категориясендә үтәчәк: кече - 9-12 яшь, урта - 13-16 яшь һәм олы - 17-21 яшь. Ярышларда барлыгы 300-дән артык бала катнашыр, дип көтелә.

Финалга барып җитү һәм чемпионат җиңүчесе булу өчен катнашучыга берничә ярыш узарга кирәк: «300» уены, стритбол, классиклар, резинкалар, тартылу, пресс, сикерү һәм башкалар.

Чемпионат ике этапта узачак. 21-29-нчы августта район ярышлары узачак: 21-нче август 11.00 сәгатьтә яшүсмерләр клубында – Авиатөзелеш һәм Яңа Савин районнарында яшәүчеләр өчен, 23-нче август 11.00 сәгатьтә Идел Буе районының 150-нче номерлы мәктәбе мәйданчыгында - Вахитов, Идел буе һәм Совет районнарында яшәүчеләр өчен, 29-нчы август 11.00 сәгатьтә Гагарин урамындагы 103-нче номерлы йорт ишегалдында - Киров һәм Мәскәү районнарында яшәүчеләр өчен. 6-нчы сентябрьдә Химиклар мәдәният сараенда «Сосновая роща» паркында шәһәр финалы узачак, анда җиңүчеләр билгеләнәчәк, дип хәбәр итә Балалар һәм яшьләр эшләре комитеты.

Шулай ук укыгыз

Барлык яңалыклар