Яңалыклар

21.06.2024, 17:10

Казанда БРИКС+ илләре шәһәрләре һәм муниципалитетлары Ассоциациясе китапханәсе булдырылачак

Коллекция өчен халыкара форум катнашучылары үз туган телләрендә китаплар алып килделәр

ТР башкаласында 22 нче июнь көнне «Казан ярминкәсе» территориясендәге тарихи павильонда БРИКС+ илләре шәһәрләре һәм муниципалитетлары Ассоциациясе китапханәсен ачалар. Коллекция өчен халыкара форум катнашучылары үз туган телләрендә китаплар алып килделәр. Форум бүген Ратушада берләшмә химаясендә уза.

БРИКС+ илләре шәһәрләре Халыкара форумы кунаклары имзалар калдырган альбом китапханәдә аерым урын алып торачак. «Иртәгә БРИКС китапханәсен оештырабыз. Биредә бу китап ассоциация төзү, безнең нәтиҗәле хезмәттәшлегебез истәлегенә, беренчеләрдән булачак», – диде Казан башлыгы Илсур Метшин.

«Казан ярминкәсе»нең тарихи павильоны каршындагы территориядә дуслык аллеясе булачак. БРИКС+ илләре шәһәрләре һәм муниципалитетлары Ассоциациясе әгъзалары исемнәр куелган агачларны утыртачак. Аллеяне декоратив үсемлекләр бизиячәк.

Бүген Казанда БРИКС+ илләре шәһәрләре форумы старт алды. Аның катнашучыларын РФ президенты Владимир Путин сәламләде. Форум кысаларында БРИКС+ илләре шәһәрләре һәм муниципалитетлары Ассоциациясенең ачылышы һәм оештыру җыелышы булды, катнашучылар оешманың структурасы һәм алда торган уртак проектлар турында фикер алыштылар.

Фоторепортаж

Казанда БРИКС+ илләренең Халыкара шәһәрләр форумы ачылды

Шулай ук укыгыз

Барлык яңалыклар