Казанда ОРВИ белән авыручылар саны кими

Узган атна белән чагыштырганда авырулар саны дәрәҗәсе 7,2% ка кимегән.

(Казан шәһәре KZN.RU, 4-нче март). Казанда көчле респиратор вирус инфекцияләре белән авыручылар санының кимүе билгеләнгән. Узган атна белән чагыштырганда авырулар саны дәрәҗәсе 7,2% ка кимегән.

Узган атнада, 25-нче февральдән 3-нче мартка кадәр, Казанда барлыгы 12015 ОРВИ белән авыру очрагы теркәлгән, әлеге күрсәткеч 10 мең кешегә 97,3-нче тәшкил иткән. Авырулар санының дәрәҗәсе эпидемик чиктән 34,1%-ка артып китә.

Тулаем алганда, Татарстан Республикасында ОРВИ белән авыручылар саны кимүен дәвам итә – узган атна белән чагыштырганда ул 10,7%-ка кимегән, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы идарәсе. Узган атнада Татарстан Республикасында вирус инфекцияләре белән авыруның 26476 очрагы теркәлгән, әлеге күрсәткеч 10 мең кешегә 71,1-не тәшкил иткән. Авырулар санының дәрәҗәсе эпидемия чигеннән 27,8%-ка югарырак.

Шулай ук укыгыз

Барлык яңалыклар