Казанда авыру балалар тәрбияләүче гаиләләргә бушлай юридик ярдәм күрсәтеләчәк

Консультацияне 20-нче мартта 16.00 сәгатьтә «Роналд Макдоналд йорты» гаилә кунакханәсендә алырга мөмкин булачак.

(Казан шәһәре KZN.RU, 15-нче март). 20-нче мартта Казанда катлаулы чир белән авыручы балалар һәм инвалид балалар тәрбияләүче гаиләләргә бушлай юридик ярдәм күрсәтеләчәк.

Чарада РФ Пенсия фондының ТР буенча бүлеге, РФ Социаль иминият фондының ТР буенча төбәк бүлеге, ТР Мәхкәмә приставлары федераль хезмәте идарәсе, ТР Медицина-социаль экспертизаның Баш бюросы, ТР Прокуратурасы, ТР Хезмәт, халыкны эш белән тәэмин итү һәм социаль яклау министрлыгы, ТР Мәгариф һәм фән министрлыгы, ТР сәламәтлек саклау министрлыгы, Татарстандагы Бала хокуклары буенча вәкаләтле вәкил аппараты, ТР Адвокатлар һәм Нотариаль палата вәкилләре катнашачак.

Консультацияне 20-нче мартта 16.00 сәгатьтә Оренбург тракты, 140а адресы буенча урнашкан «Роналд Макдоналд йорты» гаилә кунакханәсендә алырга мөмкин булачак. 4-нче, 22-нче, 33-нче, 34-нче, 37-нче, 45-нче номерлы автобуслар белән ДРКБ җәмәгать транспорты тукталышына кадәр барырга кирәк, дип хәбәр иттеләр Республика матбугат һәм массакүләм коммуникацияләр агентлыгында.

Шулай ук укыгыз

Барлык яңалыклар