Казанда бүген төнлә көчле кар явуы һәм буран көтелә

Казанда бүген төнлә көчле кар явуы һәм буран көтелә

<p> Бүген төнлә Казанда көчле кар явачак, 7–9 мм явым-төшем көтелә. Аерым районнарда буран булырга мөмкин. Синоптиклар юлларда кар көртләре, урыны белән бозлавык фаразлыйлар. Бу хакта ТР гидрометеорология һәм әйләнә-тирә мохитне күзәтү идарәсендә хәбәр иттеләр. </p> <p> Төнлә температура -4..-6 градус тәшкил итәчәк. Көндез, 10 декабрьдә, синоптиклар -1 дән -3 градуска кадәр фаразлыйлар. Җил көньяктан һәм көньяк-көнбатыштан 6–11 м/с тизлек белән, урыны белән 14 м/с ка кадәр көчәю мөмкинлеге булачак. </p> <p> Чәршәмбе, 11 декабрьдә, шәһәрдә бераз кар көтелә. Төнлә температура -4..-6 градус тәшкил итәчәк. Иртән һәм көндез җил урыны белән 16 м/с ка җитәчәк, буран көтелә. Көндез термометр баганалары -1..-3 градуска кадәр күтәреләчәк. Юлларда бозлавык һәм карт көртләре булырга мөмкин. </p> <p> Кар явуы атнаның икенче яртысында дәвам итәчәк. 12 декабрьдә 3–4 мм явым-төшем булачак. Төнлә һәм иртән синоптиклар урыны белән буран фаразлыйлар, җилнең тизлеге 18 м/с ка кадәр булачак. Төнлә һәм көндез һава температурасы 0 градустан -4 градуска кадәр тәшкил итәчәк. Юлларда бозлавык һәм кар көртләре булырга мөмкин. </p>

2024-12-09T13:57:00+0300