Казанда «фонның» «МЧС» торак комплексының соңгы йортын тапшырдылар

Тантаналы чарада Татарстан Республикасы Президенты Рөстәм Миңнеханов катнашты.

Фото: Марат Мугинов

(Казан шәһәре KZN.RU, 30-нчы август). Казанда «фонның» проблемалы «МЧС» торак комплексының соңгы йортын файдалануга тапшырдылар. Объектны тапшыру тантанасында Татарстан Республикасы Президенты Рөстәм Миңнеханов катнашты.

Республикада алданган өлешчеләрнең проблемаларын хәл итүгә аерым игътибар бирелә, дип ассызыклады Рөстәм Миңнеханов. Әлеге эш зур федераль ярдәм нәтиҗәсендә алып барыла. ««МЧС» трак комплексындагы бу йорт – иң катлаулы объектларның берсе. Хәзер мәктәп һәм балалар бакчасы төзергә кирәк. Планда болар барысы да бар», – диде Рөстәм Миңнеханов.

ТР Президенты төзүчеләргә сыйфатлы эшләре өчен рәхмәт белдерде. Бүген республикада тагын 2 проблемалы объект кала, алар буенча да эш алып барыла, дип өстәде ул. РФ Төзелеш һәм торак-коммуналь хуҗалык министры урынбасары Никита Стасишин хәбәр иткәнчә, бу ике объект якындагы ел ярым эчендә тапшырылачак, дип хәбәр итә ТР Президенты матбугат хезмәте.

2007 елдан бирле республикада 139 проблемалы объект файдалануга тапшырылган. Үз яңа фатирларына 18 меңгә якын өлешче күченә алган. 2020-2021 елларда өлешчеләргә ярдәм итү федераль программасы кысаларында «Өлешчеләргә ярдәм итү фонды» гавами-хокукый компаниясе механизмнары аша иң катлаулы 7 йортны төзеп булды, шул исәптән «МЧС» торак комплексының дүртенче йортын да.

Исегезгә төшерәбез, Узган атнада Четаев урамындагы өченче йорт – «Свея»ның соңгы төзелеше файдалануга тапшырылды. Шулай ук августта «МЧС» торак комплексының өченче йорты тапшырылды.

Шулай ук укыгыз

Барлык яңалыклар