Казанда Гагарин урамы буенча юл ремонты графиктан алда тәмамланды

<h1></h1> <div> </div> <img src="https://kzn.ru/upload/iblock/971/DEN_1607.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 9-нчы июнь). Казанда, графиктан алда, Гагарин урамындагы юлга ремонт ясалды. Эшләр «Куркынычсыз сыйфатлы юллар» илкүләм проекты буенча алып барылды. </p> <p> Эшләр барышында ЩМА-16 югары ныклы асфальтобетоннан өске катлам җәелде. Шулай ук юлчылар гомуми мәйданы 1 мең 966 кв.м булган тротуарларны төзекләндерделәр, борт ташларының 1 мең 673 метрын алыштырдылар, 566 метрлы җәяүлеләр киртәсе, 186 юл билгесе куйдылар һәм юл тамгалары ясадылар. 6 тукталыш павильонын төзекләндерү эшләре төгәлләнә. </p> <p> Гагарин урамындагы ике полосалы асфальт юл Казанның Мәскәү һәм Яңа Савин районнарында урнашкан һәм 21 урам белән кисешә, шул исәптән магистральлеләр белән – Короленко урамы, Ибраһимов проспекты һәм Декабристлар урамы, дип хәбәр итә ТР Транспорт һәм юл хуҗалыгы министрлыгы матбугат хезмәте. </p> <p> Исегезгә төшерәбез, агымдагы елда шәһәрдә «Куркынычсыз сыйфатлы юллар» милли проекты буенча 11 урамны төзекләндерәчәкләр: Рауис Гәрәев, тарательный тыкрыгы, Хезмәт, Белинский, Беломорск, Гагарин, Гладилов, Голубятников, Лесной, Магистраль урамнары. Моңа 640 млн сум <a href="https://kzn.ru/meriya/press-tsentr/novosti/v-kazani-v-2021-godu-po-natsproektu-otremontiruyut-11-ulits/" target="_blank">бүленгән.</a> Агымдагы елда юлларны ремонтлау программасына шулай ук «Безнең ишегалды» Президент программасы буенча төзекләндерелә торган социаль объектларга һәм ишегалды территорияләренә квартал эчендәге 78 юл да кертелгән. </p> <p>   </p>

2021-06-09T11:21:34+0300