Казанда 26 яшьлек кызны бәрдерү очрагының шаһитларын эзлиләр

Узган тәүлектә Казанда 180 юл-транспорт һәлакате теркәлгән.

(Казан шәһәре KZN.RU, 5-нче февраль). Казанда 26 яшьлек кызны бәрдерү очрагының шаһитларын эзлиләр. Юл-транспорт вакыйгасы 4-нче февральдә 12.50 сәгатьтә Ломжа урамы буенча урнашкан 13/1 номерлы йорт каршында булган.

Кыз көйләнелми торган җәяүлеләр кичү юлы буенча чыккан. Юл-транспорт һәлакәте нәтиҗәсендә зыян күрүченең уң терсәк буыны җәрәхәтләнгән. Һәлакәттә гаепле булган машина йөртүчесе вакыйга урыныннан качкан. Казан Дәүләт автоинспекциясе вакыйга шаһитларыннан түбәндәге телефоннар буенча элемтәгә керүләрен сорый: +7(843)5-333-819, +7(843)5-333-848.

Дәүләт автоинспекциясе машина йөртүчеләрне, юл-транспорт һәлакәтләрендә катнашып, урыннан качкан өчен транспорт чаралары белән идарә итү хокукыннан бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралганлыгы хакында искәртә.

Узган тәүлектә Казанда 180 юл-транспорт һәлакате теркәлгән, алар арасында 6 кеше зыян күргән, 2 кеше җәяүлеләрне бәрдергән, 3 кеше төрле тән җәрәхәте алган. Нәтиҗәдә 9 юл-транспорт һәлакәтендә катнашучы (2 җәяүле, 3 пассажир һәм 4 машина йөртүче) төрле дәрәҗәдәге тән җәрәхәте алган.

Шулай ук укыгыз

Барлык яңалыклар