Казанда го уены буенча икенче шәһәр Мэры Кубогы уйнатылачак

Ярышларда теләге булган һәркем катнаша ала.

Фото: Россия Го федерациясе

(Казан шәһәре KZN.RU, 28-нче гыйнвар). Казанда го уены буенча икенче шәһәр Мэры Кубогы уйнатылачак. Турнир Нәҗметдинов исемендәге шахмат, шашка, го буенча олимпия резервы республика спорт мәктәбендә старт ала.

Ярышларда теләге булган һәркем катнаша ала (5 яшьтән). Ярышлар Мак-Магон системасы буенча 5 турда узачак, җирәбә салуны һәр тур башланыр алдыннан уздыру планлаштырыла.

Ачылу тантанасы 30-нчы гыйнварда 14.00 сәгатьтә булачак. Ябылу тантанасы һәм җиңүчеләрне бүләкләү 31-нче гыйнварга 17.00 сәгатькә планлаштырыла. Быел санитар-эпидемиологик хәлнең начарлануы сәбәпле, катнашучылар һәм тамашачылар саны чикләнгән, дип хәбәр итә Физик культура һәм спорт комитеты.

Узган ел турнирда Татарстан һәм Санкт-Петербург шәһәрләреннән 29 спортчы катнашты. Ир-атлар арасында беренче урынны Игорь Немлий яулады, икенче урынны – Илдар Әлмөхәммәтов, өченче урынны – Альгиз Саукинас. Хатын-кызлар һәм кызлар арасында Азалия Гималетдинова, Ләйсән Сәхабетдинова һәм Ксения Талалаева призерлар өчлегенә керде. 20 яшькә кадәрге яшүсмерләр арасында алтын медальне – Әскәр Хөсәенов, көмешне – Сәгыйт Гыймалетдинов һәм бронза медальне Анджей Хафизов яулады.

Шулай ук укыгыз

Барлык яңалыклар