Яңалыклар
18.04.2025, 15:07
Казанда мәктәп укучылары өчен медицина экскурсия маршруты эшләнде
Программада – медицина оешмаларында булу, интерактивларда катнашу
Казанда мәктәп укучылары өчен медицина экскурсия маршруты эшләнде. Әлеге экскурсияләр кысаларында яшь казанлылар шәһәрнең медицина оешмаларында була һәм медицина һөнәрләре белән таныша алачак. Проект «Рампа» балалар һәм яшүсмерләрне үстерү үзәге» белән берлектә туризмны үстерү комитеты тарафыннан гамәлгә ашырыла.
Экскурсия маршрутына Казан дәүләт медицина университеты тарихы музеенда, Медик-фармацевтика көллиятендә, «Татхимфармпрепараты» компаниясендә, КФУның симуляция үзәгендә, Республика клиник хастаханәсендә булу керә. Киләчәктә анда булу өчен объектлар өстәләчәк.
Экскурсия ике көнгә исәпләнгән, шулай ук аерым оешмаларга килү мөмкинлеге дә бар.
Экскурсия шулай ук интерактивларда катнашуны үз эченә ала. Укучылар медицина симуляторларында үзләре диагностика үткәреп караячак, дару мазьләрен һәм башка бик күп нәрсәләрне өйрәнәчәк. «Медицина маршруты сәламәтлек саклау турында күбрәк белергә, тармак белгечләре белән танышырга һәм теориянең тормышка ашырылуын күрергә теләүчеләр өчен булдырылган. Соңгы елларда Татарстанның сәламәтлек саклау системасы көчле ыргылыш ясады, безнең республикада кирәкле барлык югары сыйфатлы җиһазлар булган заманча клиникалар эшли», – дип хәбәр иттеләр туризм үсеше буенча комитетта.
Алдагы көнне маршрутны Туризм буенча Татарстан Республикасы дәүләт комитеты рәисе Сергей Иванов, Татарстан Республикасы сәламәтлек саклау министры урынбасары – Казан шәһәренең сәламәтлек саклау идарәсе башлыгы Владимир Филатов, «Татарстан Республикасы Сәламәтлек саклау министрлыгының республика клиник хастаханәсе» ДАССУ баш табибы Рафаэль Шәвәлиев, «Татхимфармпрепараты» директоры урынбасары Тимур Ханнанов, шулай ук Казан мәгариф идарәсе вәкилләре каршы алды.
Маршрутка керү кызыксынучы мәктәп төркемнәре өчен мөмкин. Тулырак мәгълүматны белергә һәм экскурсиягә түбәндәге телефон буенча язылырга мөмкин: +79934239825.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
